#ახალიამბები
“ფლანგვის დეტექტორმა” 5 თვითმმართველ ქალაქში, საკრებულოს წევრების სხდომებზე დასწრების მაჩვენებელი შეისწავლა. ორგანიზაციის ცნობით, 6 თვეში გამართულ სხდომებზე, ჯამში, 159 გაცდენა დაფიქსირდა. გაცდენების ყველაზე მაღალი მაჩვენებლები ძირითადად ოპოზიციურ პარტიებს აქვთ. რაც შეეხება ბათუმს, წარმომადგენლობით ორგანოში იანვარ-ივნისის განმავლობაში 2 სხდომა გაიმართა, საიდანაც არასაპატიო მიზეზით სხდომის გაცდენის, მხოლოდ, 1 შემთხვევა დაფიქსირდა. „ფლანგვის დეტექტორის“ შეფასებით, დეცენტრალიზაციის პირობებში ადგილობრივ დონეზე პრობლემებისა და გამოწვევების მოსაგვარებლად თვითმმართველობის ფუნქციონირება არსებითად მნიშვნელოვანია.