#ახალიამბები
ქობულეთში, სოფელ ზედა კვირიკეში ტურისტული მნიშვნელობის საავტომობილო გზაზე სარეაბილიტაციო სამუშაოები დასრულდა. ამის შესახებ ინფორმაციას აჭარის საავტომობილო გზების დეპარტამენტი ავრცელებს. პროექტის ფარგლებში 3 კილომეტრზე მეტ მონაკვეთზე ასფალტობეტონის საფარი მოეწყო სანიაღვრე არხებით, ხელოვნური და დამცავი ნაგებობებით. სამუშაოებისთვის 2 მილიონზე მეტი დაიხარჯა. რეაბილიტირებული გზით 80-მდე ადგილობრივი ოჯახი ისარგებლებს. ცნობისთვის ტურისტული მნიშვნელობის გზა, რომელზეც აჭარის საავტომობილო გზების დეპარტამენტი თავისსავე გავრცელებულ ინფორმაციაში საუბრობს, ბიზნესმენ გია ჭყონიას კომპლექსთან მიდის.