#ახალიამბები
TV25-ისთვის კიდევ ერთი დასახლების შესახებ ხდება ცნობილი, სადაც ბათუმის ქუჩებიდან აყრილი ქვაფენილი მიიტანეს. ბაზალტის ბუნებრივი ქვები ხელვაჩაურის მუნიციპალიტეტის სოფელ მურმანეთში ერთ-ერთი ადგილობრივის საკარმიდამო ნაკვეთშია. სოფელში მცხოვრებლები გვიყვებიან, რომ ქვაფენილი ბათუმიდან აიტანეს და მასალით ეზოს მოპირკეთებას აპირებენ. როსტომ უზუნაძე TV25-თან საუბრისას ადასტურებს რომ ბაზალტის ბუნებრივი ფილები ბათუმიდანაა ატანილი, თუმცა, როგორც ამბობს, არ იცის ვინ დაყარა მის ტერიტორიაზე ქვები.