#ახალიამბები
ბათუმის ტერიტორიაზე თვითნებურად მოწყობილი პარკირების ზონიდან ტრაილერებისა და სპეცტექნიკის გაყვანა მიმდინარეობს. სატრანსპორტო საშუალებები გოგოლის ქუჩაზე, სპეციალურად გამოყოფილ ავტოსადგომზე გადაჰყავთ. მუნიციპალური ინსპექცია სატვირთო ავტომობილების მძღოლებს მოუწოდებს, ნუ ჩახერგავენ ცენტრალურ ქუჩებს და მძიმე ტექნიკა სპეციალურად გამოყოფილ სადგომზე გააჩერონ. ბათუმის მერიის ინფორმაციით, თვითნებურად მოწყობილ პარკირების ზონებზე მონიტორინგს პარკირებისა და ტრანსპორტის ზედამხედველობის სამსახური ყოველდღიურად ახორციელებს.