#ახალიამბები

ქობულეთში, სოფელ ლეღვაში, თანამედროვე სტანდარტების შესაბამისი საბავშვო ბაღი შენდება. სკოლამდელი აღზრდის დაწესებულება 105 მოზარდზეა გათვლილი. აჭარის მთავრობის ადმინისტრაციის ინფორმაციით, პროექტის ფარგლებში მოეწყობა საბავშვო ბაღის ეზო, ატრაქციონები, დაიგება დეკორატიული ფილები, დამონტაჟდება გარე განათება და საპარკე სკამები. შენობა ადაპტირებული იქნება შშმ პირებისთვის. უწყების ცნობით, ბაღის მშენებლობისთვის 1 მილიონზე მეტია გამოყოფილი. ადმინისტრაციის ინფორმაციით, 2022 წელს მუნიციპალიტეტში ჯამში, 20 სკოლის სრული და ნაწილობრივი რეაბილიტაცია და 5 საბავშვო ბაღის მშენებლობა იგეგმება.