#ახალიამბები
ბოლო ერთ თვეში, აჭარაში, პედოფილიის სავარაუდო, შემთხვევებმა იმატა. მოზარდების მიმართ გახშირებულ გარყვნილ ქმედებებზე ორგანიზაცია „იალქანის“ ხელმძღვანელი საუბრობს. თიკო აბაშიძის თქმით, პედოფილიის მსხვერპლები, ბავშვები, ძირითადად სოციალური ქსელების მეშვეობით ხდებიან. როგორც აბაშიძე განმარტავს, ხშირად, ეს გამოწვეულია მშობლების უყურადღებობით, რადგან მოზარდები, ერთდროულად, რამდენიმე ექაუნთით სარგებლობენ, რისი კონტროლიც რთულია. ბავშვთა საკითხებზე მომუშავე ორგანიზაციის ინფორმაციით, ხშირად, სექსუალური შევიწროვების მსხვერპლი ხდებიან მოზარდები, რომელთა მშობლებიც ემიგრაციაში არიან. თიკო აბაშიძის თქმით, იმის გამო, რომ მცირეწლოვნები გვიან აცნობიერებენ გარყვნილი მიმოწერის შედეგებს, ხშირია, სუიციდის მცდელობებიც.