#ახალიამბები
21 დაღუპული, 2 დაკარგული და ათასობით დაზარალებული – 13 ივნისის ტრაგედიიდან 7 წელი გავიდა. 2015 წელს, ზაფხულის წვიმა დიდი სტიქიის მიზეზი გახდა. მდინარე ვერეს ადიდებით განვითარებულმა მოვლენებმა დედაქალაქსა და მის შემოგარენში საცხოვრებელი სახლები და ინფრასტრუქტურა დააზიანა. ტრაგიკული მოვლენები დაახლოებით 3 საათს გაგრძელდა. ამის შემდეგ, მდინარემ გვირაბის გარღვევა შეძლო და მტკვარს შეუერთდა. ბოლო პერიოდის უპრეცენდენტო მასშტაბის სტიქიამ მთლიანად გაანადგურა ზოოპარკის ტერიტორია, რასაც ბინადართა ნაწილიც ემსხვერპლა. 13 ივნისის დღე ტრაგედიასთან ერთად, ერთიანობისა და სოლიდარობის სიმბოლოდაც იქცა.