#ახალიამბები
ბათუმი საუკეთესო ტურისტულ მიმართულებად დასახელდა. ქალაქმა ტიტული ყაზახეთის საერთაშორისო ტურისტულ გამოფენაზე მიიღო. ღონისძიების ფარგლებში აჭარის ტურიზმის დეპარტამენტმა ტურისტული, სარეკლამო კომპანიებისა და მედიის წარმომადგენლებთან საქმიანი შეხვედრები გამართა. ორმხრივი კომუნიკაცია რეგიონში ყაზახი ტურისტების მოზიდვასა და ყახახეთში აჭარის რეკლამირებას ისახავს მიზნად. დეპარტამენტის წარმომადგენლები საერთაშორისო ფორუმშიც მონაწილეობდენ, სადაც რეგიონში ტურიზმის განვითარების პერსპექტივებზე ისაუბრეს.