#ახალიამბები
უკრაინის წინააღმდეგ პუტინის ომის 55-ე დღე. რუსულმა ძალებმა დონბასისთვის ბრძოლა დაიწყეს. რთული ვითარებაა მარიუპოლში. ღამით, უკრაინის თითქმის ყველა რეგიონში განგაშის სიგნალები ისმოდა. აფეთქებები იყო ნიკოლაევში. დონეცკში დაბომბვებს კი 4 ადამიანის სიცოცხლე ემსხვერპლა. დაშავდა 5 მოქალაქე. მტერმა 269 ადამიანი მოკლა ირპენში. ოკუპანტები უკრაინის ფრონტის ხაზზე თავდაცვის გარღვევას სამ რეგიონში ცდილობენ. ცხელ წერტილად ისევ ლუგანსკი რჩება. კრემენსა და პოპასნოაში ისევ აქტიური ბრძოლებია, თუმცა უკრაინელები ამ ტერიტორიაზე კონტროლს ინარჩუნებენ. ინფრასტრუქტურა სრულად განადგურებულია. ბოლო მონაცემებით აქ 4 ადამიანი დაიღუპა, 9 კი დაშავდა.