#ახალიამბები
„ჩვეულ პრაქტიკად ჩამოყალიბდა პოლიტიკური თანამდებობის პირთა მხრიდან ჟურნალისტების მიმართ ცინიკური და აგდებული დამოკიდებულება.“ - სახალხო დამცველი 2021 წლის ადამიანის უფლებათა მდგომარეობის შესახებ ანგარიშში გამოხატვის თავისუფლების სივრცის შეზღუდვის ტენდენციაზე საუბრობს. ომბუდსმენი "შემაშფოთებლად" აფასებს იმ "მტრულ" და "საფრთხისშემცველ" გარემოს, რომელშიც ჟურნალისტებს, სამოქალაქო აქტივისტებსა, უფლებადამცველებს უწევთ საქმიანობა. ლომჯარიას შეფასებით, გასული წლების მსგავსად, სამართალდამცავები შეკრებების მართვისა და დაშლის შემთხვევაში არაპროპორციულ ძალას იყენებდნენ. ომბუდსმენი ანგარიშში საუბრობს 5 ივლისზეც და ამბობს, რომ ეს "ქვეყნის უახლეს ისტორიაში ერთ-ერთი ყველაზე სამწუხარო დღეა, როდესაც ადამიანის უფლებებისა და უსაფრთხოების დაცვაზე პასუხისმგებელი სახელმწიფო, ფაქტობრივად, არ ფუნქციონირებდა".