#ახალიამბები
31 მარტი საქართველოს პირველი პრეზიდენტის ზვიად გამსახურდიას დაბადების დღეა. იგი დღეს 83 წლის გახდებოდა. გამსახურდია 1939 წლის 31 მარტს ქართველი მწერლის, კონსტანტინე გამსახურდიას ოჯახში დაიბადა. მან საზოგადოებას თავი ანტისაბჭოთა გამოსვლებით ახალგაზრდობაშივე დაამახსოვრა. 31 მარტი საქართველოს დამოუკიდებლობის აღდგენის რეფერენდუმის დღეცაა. საერთო-სახალხო კენჭიყრიდან, 31 წელი გავიდა. 1991 წლის 31 მარტს მთელი ქვეყნის ტერიტორიაზე გამართული გამოკითხვის შედეგების საფუძველზე უზენაესმა საბჭომ, რომელსაც ზვიად გამსახურდია ხელმძღვანელობდა, დამოუკიდებლობის აქტი მიიღო. რეფერენდუმის კითხვა იყო - "თანახმა ხართ თუ არა აღსდგეს საქართველოს სახელმწიფოებრივი დამოუკიდებლობა?“ 31 წლის წინ, ამ დღეს, საქართველოს მოსახლეობამ დამოუკიდებლობის აღდგენას მხარი ერთსულოვნად 98,9%-ით დაუჭირა. გამოკითხვაში მონაწილეობა 3 მილიონ 300 ათასზე მეტმა ადამიანმა მიიღო.