#ახალიამბები
უკრაინაში ომის დაწყებიდან 1 თვე გავიდა. ფრონტის ხაზზე მყოფი ქვეყნის შეიარაღებული ძალები შეტევაზე გადავიდნენ და რუს ოკუპანტებს 25 კილომეტრით უკან დაახევინეს. კიევის მისადგომებთან მტერი აღარ ჩანს. ლიკვიდირებული ჯარისკაცების ცხედრები ქუჩებშია მიმოფანტული. დაუმარხავი გვამების გამო უკრაინა ეკოლოგიური კატასტროფის ზღვარზეა. აგრესორებმა ქალაქ რუბიჟნეში ფოსფორის ბომბი გამოიყენეს. შედეგად, დაიღუპა 4 ადამიანი, მათგან 2 ბავშვია. დაშავებულია 6 პირი. ლუგანსკის ტერიტორიაზე, ბოლო 24 საათში, მძიმე საჰაერო თავდასხმები მიმდინარეობდა. გავრცელებული ცნობებით, რეგიონში გასულ დღე-ღამეში მთლიანად ან ნაწილობრივ განადგურდა 31 ობიექტი, მათგან 10 საცხოვრებელი კორპუსია, 13 კი კერძო სახლი. რაც შეეხება მტრის დანაკარგს, ომიდან 1 თვის შემდეგ, რუსებმა 15 ათას 800 სამხედრო დაკარგეს.