#ახალიამბები
„უმაღლესი საბჭო კიდევ ერთხელ ადასტურებს რომ პრორუსული პოზიცია აქვს.“ - ამ განცხადებას „ნაციონალურ მოძრაობაში“ აკეთებენ. ხელისუფლების ოპონენტები ამბობენ, რომ ეს, მხოლოდ, ხელისუფლების პოზიციაა და ქართველი ხალხის განწყობას არ გამოხატავს. ოპოზიციის შეფასებით, მმართველმა გუნდმა, კიდევ ერთი სამარცხვინო ნაბიჯი გადადგა, როცა უკრაინის საკითხზე რეზოლუციას მხარი არ დაუჭირა. „ქართული ოცნების“ დეპუტატების განმარტებით, სოლიდარობის ამ ფორმით გამოცხადება, საერთაშორისო ურთიერთობებში შედის და ეს აჭარის უმაღლესი საბჭოს კომპეტენციას სცდება. ოპონენტები უმრავლესობის არგუმენტს მცდარს უწოდებენ და ამბობენ, რომ ანალოგიური დოკუმენტები რეგიონის საკანონმდებლო ორგანოს აქამდეც აქვს გაფორმებული.