შემზარავი შემთხვევა ბათუმში. ქალაქის ცენტრში სამაშველო ოპერაცია ამ დრომდე გრძელდება. 26 მაისის ქუჩაზე ხუთსართულიანი კორპუსის ჩამონგრევის შედეგად ათეულობით ადამიანი დაშავდა, მათ შორის მოზარდებიც. ჩვენი ინფორმაციით, ორი ბავშვი ნანდგრევებიდან უვნებლად ამოიყვანეს. ნანგრევებში რჩება კიდევ რამდენიმე ადამიანი. ამ ეტაპზე უცნობია მომხდარის გამომწვევი მიზეზი. სავარაუდოდ ნგრევა ბუნებრივი აირის აფეთქებამ გამოიწვია. ჯერჯერობით არცერთ უწყებას დაზუსტებული ინფორმაცია არ გააჩნია. ჟურნალისტები შემთხვევის ადგილზე დამატებითი ინფორმაციის გარკვევას დილიდან ცდილობენ, თუმცა ამ ვითარებაში დეტალების დაზუსტება ჭირს. გეტყვით იმასაც, რომ სამაშველო ოპერაციაში რიგითი მოქალაქეებიც მონაწილეობენ. ვრცელდება ინფორმაცია იმის შესახებ, რომ მეზობელი რეგიონებიდან დამატებითი ძალების მობილიზება მიმდიანრეობს. წინასწარი ინფორმაციით, კორპუსი ავარიულ მდგომარეობაში არ ყოფილა. ჩვენი გადამღები ჯგუფები შემთხვევის ადგილზე რჩებიან და დამატებით დეტალების გარკვევას ცდილობენ.