„აგრო და აგროტურიზმი არის ჩვენი ქვეყნის ეკონომიკის მომავალი“ - ასე მიიჩნევს ბანკირი და ამჟამად ფერმერიც, „ქეი ენ ჯი ჰოსფითალითი“-ს დამფუძნებელი და მმართველი პარტნიორი ქეთი დოლიძე, რომელმაც პარტნიორებთან ერთად ბიზნესი გაგანია ლოქდაუნის დროს, სრულიად გაუგებარი ბიზნესპერსპექტივების ვითარებაში წამოიწყო და საგურამოში 2000 კვადრატულ მეტრ ფართობზე მარწყვის სათბური გააშენა, რომლის საერთო ინვესტიცია 350 ათას ლარს შეადგენს. აქ მარწყვის კრეფა მთელი წლის განმავლობაში თითქმის ყოველდღიურად მიმდინარეობს, თითო მოკრეფაზე რაოდენობა 100კილოგრამს შეადგენს და ბაზარზე „მაგემეს“ ბრენდით ოპერირებს.
ქეთი დოლიძე - "ქეი ენ ჯი ჰოსფითალითის" დამფუძნებელი