რუსეთის მეორე საფეხბურთო ლიგის შეხვედრა, რომელშიც ერთმანეთს "ვოლგარ ასტრახანი" და მახაჭყალას "ლეგიონ დინამო" ხვდებოდნენ, მასობრივი ჩხუბით დასრულდა.

თავისი ზონის ლიდერი "ასტრახანი" საკუთარ კედლებში თამაშობდა და უპირატესობასაც ფლობდა. ვოლგისპირელები პირველ ლიგაში გადასვლისთვის იბრძვიან, ლეკ სტუმრებს კი მუდმივად დრო გაჰყავდათ. ანგარიში კი საყაიმო იყო - 1:1.

შეხვედრაც ამ ანგარიშითვე დასრულდა და ჩხუბიც დაიწყო. მიღებული დარტყმების შემდეგ ორი ფეხბურთელი გაზონზე დავარდა, 1 მოთამაშეც ჭიდაობის ილეთით დაანარცხეს მიწაზე.

ფეხბურთელებისა და გულშემატკივრების დაშოშმინება ადგილობრივმა მილიციამ მოახერხა.


გამოიწერეთ ჩვენი სპორტ გვერდი უახლესი სპორტული ვიდეოების სანახავად.