ყალბი პირადობის მოწმობების საქმის მოკვლევა პროკურატურაში გრძელდება. ნაციონალური მოძრაობის წევრის, კახა ასკურავას ინფრომაციით ყალბი დოკუმენტები ლანჩხუთის ავტოსადგომის ტერიტორიაზე, სარდაფში გადაყრილი შემთხვევით იპოვა, თუმცა ეს ინფორმეაცია ცრუ აღმოჩნდა - ირკვევა, რომ შენობის მოპირდაპირე მხარეს სადაც ასკურავას ინფორმაციით დოკუმენტები იპოვა გაზეთ „ლანჩხუთი პლუსის“ რედაქცია მდებარეობს, რომელიც ნეკროლოგებს ბეჭდავს. ზუსტი მონაცემებისთვის კი გარდაცვლილთა პირადობის მოწმობებს ითხოვენ. ჭირისუფალთა ნაწილმა ეს დოკუმენტები უკან აღარ წაიღო და ის რედაქციაში დარჩა. ჩვენი ინფორმაციის წყარო ყვება, რომ გაზეთის რედაქტორსა და ოპოზიციურ პარტიას შორის გარიგება შედგა, რასაც მეორე მხარე კატეგორიულად უარყოფს. განმარტება საკითხზე აქამდე არ გაუკეთებიათ ნაციონალური მოძრაობის წევრებს.