ვანო მერაბიშვილის ადვოკატი აცხადებს, რომ მისი დაცვის ქვეშ მყოფის ჯანმრთელობის მდგომარეობა გაუარესდა, რის გამოც მსჯავრდებულს დამატებითი კვლევები და მკურნალობა უნდა ჩაუტარდეს.
გიორგი ჩივიაშვილი განმარტავს, რომ მერაბიშვილის ჯანმრთელობის მდგომარეობა სახალხო დამცველის აპარატმაც შეისწავლა და მოამზადა შესაბამისი დასკვნა, სადაც ნათქვამია, რომ ლიმფოციტების პროცენტული რაოდენობის მატების გამო, მსჯავრდებულს შესაძლოა ჰქონდეს ვირუსული ინფექცია და ის დამატებით კვლევებს საჭიროებს. ადვოკატი მოუწოდებს ხელისუფლებას, მოხდეს მერაბიშვილის გამოკვლევა და მკურნალობა.
განცხადებას წერილობით უპასუხეს სპეციალური პენიტენციური სამსახურიდან. მსჯავრდებულს ყველა საჭირო გამოკვლევა ჩაუტარდა, რაც ომბუდსმენის აპარატის მიერ მომზადებულ დასკვნაშიც არის აღნიშნული. რაც შეეხება ლიმფოციტები დამატებით კვლევას, ის გაზიარებულია და მისი შესრულება ამჟამად მიმდინარეობს, ნათქვამია განცხადებაში.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://www.facebook.com/pg/1stchannel/
გამოიწერეთ ჩვენი არხი - https://www.youtube.com/user/GeorgianPB/
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.