გიგი უგულავა თბილისში დაბრუნდა და აეროპორტშივე ჟურნალისტებმა მას დაუსვევს კითხვა თუ რას ნიშნავს ერთი ოჯახის წევრობა. სააკაშვილის სიტყვებზეა ლაპარაკი. ოჯახი არის ევროპის სახალხო პარტია, ასეთი იყო უგულავას პასუხი. მან კიდევ ერთხელ ახსნა, რომ მოკლევადიანი მიზანი არის ზურაბიშვილის დამარცხება. არჩევნების შემდეგ ნაციონალური მოძრაობა და ევროპული საქართველო დამოუკიდებლად გააგრძელებენ საქმიანობას. როგორც ჩანს ეს განმარტება არ არის საკმარისი უგულავას თანაპარტიელებისთვის. ცოტა ხნის წინ გორის საკრებულოს წევრმა, ათამდე სხვა აქტივისტთან ერთად, „ევროპული საქართველოს“ რიგები დატოვა. ითქვა, რომ  „ნაციონალურ მოძრაობასთან“ თანამშრომლობა მიუღებელია. ვნახოთ ნანუკა იორდანიშვილის რეპორტაჟი.