ცოტა ხანში საქართველოს პრემიერ-მინისტრი მამუკა ბახტაძე ფრანკფურტის წიგნის ბაზრობის გახსნის ცერემონიას დაესწრება, რომელზეც საქართველო საპატიო სტუმრის სტატუსით არის წარდგენილი. მთავრობის მეთაური საზოგადოებას სიტყვითაც მიმართავს და საქართველოს პავილიონს გახსნის. მამუკა ბახტაძის პატივსაცემად ფრანკფურტის მერიაში მიღება გაიმართა. პრემიერს ფრანკფურტის მერმა პეტერ ფელდმანმა უმასპინძლა.
პრემიერის ინიციატივით, 9 ოქტომბერს, ფრანკფურტის წიგნის ბაზრობაზე ერთი დღით გამოიფინება უნიკალური ხელნაწერი „ვეფხისტყაოსანი“, რომლის ყდაც საფრანგეთში მოღვაწე ცნობილმა ქართველმა მოქანდაკემ გუჯი ამაშუკელმა მოჭედა. ყდა დამზადებულია ვერცხლისგან და გამოყენებულია 20-მდე დასახელების ძვირფასი ქვა. სამომავლოდ „ვეფხისტყაოსნის“ უნიკალური ეგზემპლარი აშშ-ში გაიგზავნება, სადაც ნიუ-იორკში, გაეროს არტ-კოლექციაში განთავსდება.


✔️ ყველა სიახლე იხილეთ ბმულზე: https://goo.gl/1H1b91