მწარმოებლის გაფართოებული ვალდებულების ამოქმედებამდე ერთი წლით ადრე ბიზნესი ამბობს, რომ მოთხოვნებთან შესაბამისობაში მოსასვლელად გარკვეული დრო სჭირდება. აღნიშნული ვალდებულების საქართველოსთვის მისაღები ვარიანტები დღეს გამართულ შეხვედრაზე განიხილეს. 2019 წლის ბოლოდან მწარმოებლებსა და იმპორტიორებს მოუწევთ აიღონ გაფართოებული ვალდებულება, რომელიც მათი საქმიანობის შედეგად წარმოქმნილი ნარჩენების მართვას გულისხმობს. მარიამ მჭედლიშვილმა მოისმინა კერძო სექტორის შეფასებები ახალ რეგულაციებთან დაკავშირებით.
---------------------------------------
მწარმოებლის გაფართოებული ვალდებულება საქართველოსთვის ახალი კონცეფციაა და გულისხმობს გარკვეული პროდუქციის მწარმოებლებისა და იმპორტიორების მიერ პასუხისმგებლობის აღებას მათი საქმიანობის შედეგად წარმოქმნილი ნარჩენების მართვაზე ისე, რომ გარემოზე უარყოფითი ზემოქმედება შემცირდეს. სპეციფიკურ ნარჩენებს მიეკუთვნება შესაფუთი მასალები, ელექტრო და ელექტრონული მოწყობილობები, ვადაგასული საბურავები და სატრანსპორტო საშუალებები. სწორედ ამ ტიპის ნარჩენების შეგროვება და დამუშავება დაევალებათ კერძო სექტორის წარმომადგენლებს.
--------------------სინქრონი--------------------
კანონის ამოქმედებამდე წელიწადი და 2 თვე რჩება. ბიზნეს სექტორის წარმომადგენლები კი მიიჩნევენ, რომ საკუთარი საქმიანობის ახალ ვალდებულებებთან თანხვედრაში მოსაყვანად მეტი დრო სჭირდებათ. მათი თქმით, სასურველია, სანქციები კანონის ძალაში შესვლისთანავე არ ამოქმედდეს და კანონდარღვევისთვის ჯარიმები 2025 წლიდან დაწესდეს. მწარმოებლები არც პროდუქციის გაძვირებას გამორიცხავენ, თუმცა აღნიშნავენ, რომ მსხვილი კომპანიებისთვის ახალი ვალდებულების გამო დაკისრებული ტვირთი მძიმე არ იქნება.
----------------სინქრონი----------------------
სხვადასხვა ქვეყანაში მწარმოებლის გაფართოებული ვალდებულების სისტემა სხვადასხვაგვარად მუშაობს. საქართველოში, ამ ეტაპზე, რამდენიმე ვარიანტი განიხლება და მშავდება შესაბამისი საკანონმდებლო ჩარჩო. ბიზნეს სექტორი არ გამორიცხავს, რომ ნარჩენების შეგროვება კოლექტიურად მოხდეს და მწარმოებლებმა ამისთვის სპეციალური ორგანიზაციაც შექმნან. ასევე, შესაძლოა, კერძო სექტორთან ერთად, ამ პროცესში მთავრობაც ჩაერთოს. თუმცა სპეციალისტების ნაწილისთვის ეს მიდგომა მიუღებელია.
-------------სინქრონი-----------------
ყოველწლიურად საქართველოში, დაახლოებით, 900 ათასი ტონა მუნიციპალური ნარჩენი წარმოიქმნება, რომელიც ათასამდე სახიფათო და არასახიფათო ნივთიერებას შეიცავს. ახალი რეგულაცია სწორედ ამ ნარჩენებისგან გარემოზე მიყენებული ზიანის შემცირებას ისახავს მიზნად. მწარმოებლის გაფრთოებული ვალდებულების პრინციპი ქვეყანაში 2019 წლის დეკემრბიდან უნდა დაინერგოს.

✔️ ყველა სიახლე იხილეთ ბმულზე: https://goo.gl/1H1b91