ატვირთვა
ავტორიზაცია რეგისტრაცია

ლევან იზორია: „ნატოსთან თანამშრომლობის თვალსაზრისით ყველგან მნიშვნელოვანი პროგრესი გვაქვს“

გაზიარება
ოქტომბერი 8, 2018
31
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

„ნატოსთან თანამშრომლობის თვალსაზრისით ჩვენ ყველგან მნიშვნელოვანი პროგრესი გვაქვს. ეს ნატოს საფუძველს აძლევს აღიაროს მიღწეული წარმატება და ამ მიღწეულის საფუძველზე იფიქროს ჩვენთან თანამშრომლობის ახალ ფორმატზე, რაც უზრუნველყოფს მეტ ნატოს საქართველოში, მეტ უსაფრთხოებას საქართველოსთვის და საქართველოს მეტ ინტეგრაციას ნატოში“, - აღნიშნა საქართველოს თავდაცვის მინისტრმა პრესკონფერენციაზე და ჟურნალისტებთან ალიანსთან სამომავლო თანამშრომლობის ახალ პრაქტიკულ მექანიზმებზე გაამახვილა ყურადღება.

„ახლო პერიოდში წარმატებით დავასრულებთ ნატო-საქართველოს არსებითი პაკეტით გათვალისწინებულ 14 ინციატივის განხორციელებას, რაც დღის წესრიგში ნატოსთან პრაქტიკული თანამშრომლობის ახალი ფორმატის იდენტიფიცირებას აყენებს. ამ საკითხზე ვფიქრობთ, ვმუშაობთ და ჩვენგან წამოვიდა ინიციატივა, ვაზიანში საბრძოლო მომზადების ცენტის ბაზაზე უფრო ფართო ფორმატის ცენტრი შევქმნათ, რომელიც ნატოს განახლებული შეკავების პოლიტიკასთან ადექვატური იქნება და რომლის მთავარი ქვაკუთხედი საბრძოლო მზადყოფნის გაძლიერება გახლავთ“, - განაცხადა ლევან იზორიამ.

თავდაცვის მინისტრმა სიტყვა მზადყოფნა ახსნა, როგორც ნატოს შეკავების პოლიტიკის ცენტრალური ნაწილი და აღნიშნა, რომ ადექვატური იქნება ნატო-საქართველოს თანამშრომლობა უფრო ფართო ფორმატში გადაიზარდოს: „ცენტრის ჩამოყალიბებისას ლაპარაკია ვაზიანთან ერთად კრწანისის, ნორიოს, ალგეთის სამხედრო ბაზებზე. გაფართოებულ ფორმატში ჩვენი საბრძოლო მზადყოფნის გასაძლიერებლად პრაქტიკული სწავლებების განხორციელების საშუალება გვექნება“.

ლევან იზორიამ ნატოსთან ფართო თანამშრომლობის პირველ ეტაპად 2019 წლის მარტის თვე დაასახელა, როდესაც საქართველო უპრეცედენტო მასშტაბის პრაქტიკულ საველე სწავლებებს უმასპინძლებს. „ეს სწავლება გვაძლევს უფრო ფართო ფორმატს როგორც ნატოს წევრი და პარტნიორი ქვეყნების ჩართვის თვალსაზრისით, ისე იმ ინფრასტრუქტურის გამოყენების თვალსაზრისით, რომელსაც ჩვენი სამხედრო ბაზები ქმნიან და რომელიც საუკეთესო პირობა იქნება საველე პირობებში სწავლებების ჩასატარებლად. ნატოს-საქართველოს მზადყოფნის ცენტრი იქნება ახალი ფორმატი ახალი გაფართოებული პრაქტიკული თანამშრომლობისთვის ნატოსა და საქართველოს შორის“, - განაცხადა თავდაცვის მინისტრმა.

ჟურნალისტებთან შეხვედრაზე მინისტრმა ნატო-საქართველოს არსებითი პაკეტით გათვალისწინებული ინიციატივები კიდევ ერთხელ მიმოიხილა და აღნიშნა, რომ ცალკეულ მიმართულებებში ნატოსთან ერთად ლიდერი ქვეყნების იდენტიფიცირება მოხდა. ამ კუთხით, ლევან იზორიამ განსაკუთრებით გამოყო ნატო-საქართველოს ერთობლივი წვრთნებისა და შეფასების ცენტრი კრწანისში, ასევე თავდაცვის ინსტიტუციური აღმშენებლობის სკოლა.

მაჩვენე მეტი