ეკონომიკის სამინისტროს მიერ გამოცხადებულ ტენდერში გამარჯვებული ტექინსპექტირების ცენტრი "გრინვეი საქართველო" ირწმუნება, რომ ტენდერის პირობები მასზე მორგებული არ ყოფილა. კომპანიაში მიიჩნევენ, რომ როგორც მათ მოახერხეს უცხოელი პარტნიორის მოძიება, რათა ტენდერის ერთერთი მოთხოვნა დაეკამყოფილებინათ, ანალოგიური ნაბიჯის გადადგმა შეეძლოთ სხვა კომპანიებსაც. ტენდერში გამარჯვებული გრინვეი საქართველოს მასშტაბით 26 სადგურის დასრულებას წლის ბოლოსთვის გეგმავს. კომპანიის განცხადებით ინსპექტირების ცენტრებში არსებული 51 ხაზი მომავალ წელს გაზრდილ მოთხოვნას სრულად დააკმაყოფილებს. შეგახსენებთ, "ავტომობილების ინსპექტირების ორგანოების ასოციაცია" ტენდერში გამარჯვებულ კომპანიას უპირისპირდება, მონოპოლიის საფრთხეებზე საუბრობს და მთავრობას შესაბამისი ნაბიჯების გადადგმისკენ მოუწოდებს.
✔️ ყველა სიახლე იხილეთ ბმულზე: https://goo.gl/1H1b91