რუსეთ-საქართველოს ომიდან ათის წლის შემდეგ აშშ-ის ყოფილი სახელმწიფო მდივანი იხსენებს, რა მოთხოვნები წაუყენა მას რუსეთმა. კონდოლიზა რაისი მისი და სერგეი ლავროვის სატელეფონო საუბრის დეტალებს ასაჯაროებს. შეერთებული შტატების მაშინდელი სახელმწიფო მდივანი იხსენებს, რომ საომარი მოქმედებების დროს მას რუსი კოლეგა დაუკავშირდა და ცეცხლის შეწყვეტისთვის სამი მთავარი პირობა დაუსახელა. პირველი ორი ქართველი ჯარისკაცების ყაზარმებში დაბრუნება და ძალის გამოუყენებლობის შესახებ დოკუმენტის ხელმოწერა იყო. მესამე მოთხოვნა - მიხეილ სააკაშვილის გადადგომა იყო, რაც ლავროვის თხოვნით, საიდუმლოდ უნდა დარჩენილიყო. ამერიკელმა დიპლომატმა სატელეფონო საუბარში განაცხადა, რომ ორი ქვეყნის საგარეო საქმეთა უწყების ხელმძღვანელებს დემოკრატიულად არჩეული პრეზიდენტის გადაყენებაზე საუბრის უფლება არა აქვთ და გააფრთხილა სერგეი ლავროვი, რომ ამ ინფორმაციას აუცილებლად გაასაჯაროვებდა. მათ შორის, გაეროს უშიშროების საბჭოში.
https://imedinews.ge/ge/video/10157/ashshis-kopili-sakhelmtsipo-mdivani-ikhsenebs-tu-ra-motkhovnebi-tsaukena-mas-rusetma