საკრებულოს კომისიებში დედაქალაქის მიწათსარგებლობის გენერალური გეგმა განიხილეს. პროექტი კომპანია „სითი ინსტიტუტის“ერთ-ერთმა ხელმძღვანელმა წარადგინა. მერაბ ბოლქვაძის თქმით, გენგეგმის ერთ-ერთი პრიორიტეტი, ქალაქის კომპაქტურობის დაცვა და ერთიანი მწვანე ლანდშაფტური სივრცეების შექმნაა. პროექტი შვიდი საქალაქო პარკის მოწყობას, ასევე მდინარე მტკვრის შენაკადების გახსნას და მათ არეალში გამწვანებული სივრცეების მოწყობას ითვალისწინებს. პროექტის თანახმად, თბილისში არსებულ ყოფილ საწარმოო ტერიტორიებზე, დაახლოებით 400 ჰექტარზე მწვანე სივრცეების შექმნა იქნება შესაძლებელი. პრეზენტაციის შემდეგ, კომისიების გაერთიანებული სხდომა კითხვა-პასუხის რეჟიმში გაგრძელდა. გარემოს დამცველების და არქიტექტორების, ასევე საკრებულოს წევრების კითხვებს, მერაბ ბოლქვაძემ და მაია ბითაძემ უპასუხეს