სენატში საქართველოზე გაკეთებულ განცხადებას დავით ზალკალიანი ეხმაურება. საგარეო ურთიერთობათა კომიტეტში საქართველო რამდენჯერმე ახსენეს. მოსმენა სენატორმა კორკერმა გახსნა, რომელმაც რუსეთზე საუბრის დროს აღნიშნა, რომ ამ ქვეყანას ოკუპირებული აქვს საქართველოს ტერიტორიების ნაწილი. თავად სახელმწიფო მდივანმა მაიკ პომპეომ საკუთარ გამოსვლაში განმარტა, რომ ამერიკის შეერთებული შტატები ეხმარება საქართველოს თავდაცვის სფეროში და ამის მაგალითია თავდაცვითი შეიარაღების გადაცემა.