ატვირთვა
ავტორიზაცია რეგისტრაცია

სამხედრო დღე შაორის „მომავლის ბანაკში“

გაზიარება შექმენი ლუპი
ივლისი 20, 2018
54
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

პროგრამა „მომავლის ბანაკის“ ფარგლებში, შაორის ბანაკში პირველი სამხედრო დღე გაიმართა. საქართველოს შეიარაღებული ძალების III ქვეითი ბრიგადის სამხედრო მოსამსახურეებმა სამხედრო დღე სტუდენტებისთვის საქართველოს შეიარაღებული ძალების შესახებ პრეზენტაციით დაიწყეს. მათ ქართული ჯარის, სამხედრო განათლების და საერთაშორისო მისიებში სამხედრო კონტინგენტის მონაწილეობის მნიშვნელობასა და მიღებული გამოცდილების შესახებ ისაუბრეს. ჯარისკაცებმა მოზარდებს ექსტრემალურ სიტუაციაში თვითგადარჩენის უნარებიც გააცნეს. მოგვიანებით შეხვედრა დისკუსიის ფორმატში წარიმართა.
ლექციების შემდეგ სამხედრო ინსტრუქტორებმა მონაწილეებს დაბრკოლებათა ზოლის გადალახვის ხერხები ასწავლეს. 80 მეტრის და 60 მეტრი სიგანის მოედანზე, ოთხ ზოლიან წინაღობის დაძლევაში მოზარდები ერთმანეთს წონითი კატეგორიის მიხედვით შეეჯიბრნენ.
დღის მეორე ნახევარში ახალგაზრდებისთვის საქართველოს შეიარაღებულ ძალებში არსებული ქართული და დასავლური წარმოების თანამედროვე შეიარაღების, ტექნიკის და ეკიპირების გამოფენაც მოეწყო.
საერთო ჯამში შაორის ბანაკი 8 ნაკადს უმასპინძლებს, თითოეულ ნაკადზე 18-დან 25 წლამდე ასაკის 132 სტუდენტი იქნება წარმოდგენილი, რომელიც 6 გუნდად გადანაწილდება.
„მომავლის ბანაკს“ ბავშვთა და ახალგაზრდობის ეროვნული ცენტრი საქართველოს განათლებისა და მეცნიერების სამინისტროსა და საქართველოს თავდაცვის სამინისტროს მხარდაჭერით ახორციელებს. პროექტს უწყებათშორის კოორდინაციას ეროვნული გვარდია უწევს.
„მომავლის ბანაკები“ პარალელურად მანავში, დაბა ანაკლიასა და ქუთაისში მდებარე კადეტთა სამხედრო ლიცეუმშიც ტარდება. პროგრამის მიზანი სხვადასხვა სახის კულტურულ-საგანმანათლებლო და გასართობ-შემეცნებითი ღონისძიებების საშუალებით, საქართველოში მცხოვრები ახალგაზრდების აქტიური დასვენებით უზრუნველყოფა, არაფორმალური განათლების მიღების შესაძლებლობა, ფიზიკური, სულიერი და ინტელექტუალური პოტენციალის ამაღლება, ასევე სოციალური ინტეგრაციისა და ჯანსაღი ცხოვრების წესის პოპულარიზაციის ხელშეწყობაა.

მაჩვენე მეტი