ატვირთვა
ავტორიზაცია რეგისტრაცია
9 669 779
ნახვა
545
ხელმომწერი
2 140
ვიდეო

პროტესტი ერევანში - პოლიციამ ათეულობით აქტივისტი დააკავა

გაზიარება შექმენი ლუპი
აპრილი 20, 2018
773
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

დღეს დილიდან, ერევანში სომხეთის პრემიერ-მინისტრის სერჟ სარგსიანის მოწინააღმდეგეებმა საპროტესტო აქცია განაახლეს. ისინი ქუჩებს კეტავენ და დაუმორჩილებლობის აქციას აგრძელებენ.
პოლიციამ თავისუფლების გამზირზე აქციის 7 მონაწილე დააკავა, მათ შორის 2 ქალია. დილიდან ვრცელდება ინფორმაცია, რომ დილიდან ქალაქის სხვადასხვა ნაწილში ათეულობით ადამიანი დააკავეს, გუშინ კი პოლიციის სხვადასხვა განყოფილებაში 100 ზე მეტი დაკავებული ადამიანი მიიყვანეს.

სომხეთის პარლამენტმა სერჟ სარგსიანი პრემიერ-მინისტრის პოსტზე 17 აპრილს აირჩია. პარლამენტში კენჭისყრა, ქუჩის მასობრივი საპროტესტო აქციების ფონზე მიმდინარეობდა.

სარგსიანი იკავებს უმაღლეს პოსტებს სომხეთში 2007 წლიდან. 2008 წელს ის აირჩიეს პრეზიდენტად, 2013 წელს ის ამ პოსტზე ხელმეორედ იქნა არჩეული, რის შემდეგაც სომხეთმა დაიწყო გადასვლა საპარლამენტო მმართველობის ფორმაზე, რომლის ფარგლებშიც ფართოვდება პრემიერ-მინისტრის უფლებამოსილება და მცირდება პრეზიდენტის. თუ სარგსიანი პრემიერი გახდება, ის ამ პოსტზე 2022 წლამდე იქნება.

სერჟ სარგსიანის გაპრემიერების წინააღდმდეგ მიმართული საპროტესტო აქციებს მოძრაობა „გადადგი ნაბიჯი“, „უარი სერჟს“ და ფრონტი „სომხეთის სახელმწიფოს სახელით“ მარტის ბოლოდან ატარებენ. საპროტესტო აქციაზე გამოსულია რამდენიმე ათასი ადამიანი, ისინი აპროტესტებენ იმას, რომ საკონსტიტუციო ცვლილებები სარგსიანმა თავის სასარგებლოდ გამოიყენა და ხელისუფლებაში ყოფნა კიდევ რამდენიმე წლით გაიხანგრძლივა. დემონსტრანტები მოითხოვენ, რომ ხელისუფლებამ შეწყვიტოს დემოკრატიის პრინციპების, ადამიანის უფლებების და უმაღლესი კანონის წინააღმდეგ წასვლა.

საპროტესტო გამოსვლების ლიდერმა ნიკოლ პაშინიანმა სომხეთში ხავერდოვანი რევოლუციის დაწყება დააანონსა და სომხეთის მოსახლეობას საყოველთაო დაუმორჩილებლობისკენ მოუწოდა.

მაჩვენე მეტი
ტეგები : #ახალიამბები #ვიდეო #აქცია #newposts #პროტესტი #WorldNews #ერევანი