მრავალშვილიანი ოჯახის სტატუსთან დაკავშირებით მომზადებულ საკანონმდებლო ცვლილებებზე იმსჯელეს პარლამენტში.
ჯანდაცვის კომიტეტის წევრები მრავალშვილიან მშობლებს შეხვდნენ და კანონპროექტზე მათი პოზიციები მოისმინეს. ინიციატივით, მრავალშვილიანი ოჯახის სტატუსი 4 და მეტ შვილიან ოჯახებს მიენიჭებათ და ისინი სოციალური შეღავათით ისარგებლებენ. კერძოდ, პროექტით, მოხდება ელექტროენერგიის სუბსიდირება და 4 შვილიან ოჯახებს, ყოველწლიურად, ელექტროენერგიაზე 240-ლარიანი დახმარება გაეწევათ, ყოველ მომდევნო შვილზე კი დაემატებათ - 120 ლარი.