ლევან იზორია საქართველოში ნიდერლანდების სამეფოს ელჩს შეხვდა
საქართველოს თავდაცვის მინისტრი ლევან იზორია ნიდერლანდების სამეფოს საგანგებო და სრულუფლებიან ელჩს საქართველოში იოჰანეს დაუმას შეხვდა. შეხვედრის დაწყებამდე ლევან იზორიამ ხაზი გაუსვა ნიდერლანდების სამეფოს მხარდაჭერის მნიშვნელობას საქართველოს ევროატლანტიკურ სტრუქტურებში ინტეგრაციის გზაზე და იმედი გამოთქვა, რომ ორი ქვეყნის თავდაცვის სტრუქტურების თანამშრომლობა კიდევ უფრო განვითარდება.
შეხვედრისას მხარეებმა ნატო-საქართველოს არსებითი პაკეტით გათვალისწინებულ ღონისძიებებზე და თავდაცვის ინსტიტუციური აღმშენებლობის სკოლის შესახებ ისაუბრეს. საუბარი შეეხო განათლების სფეროში ორმხრივ თანამშრომლობას და საქართველოში დაგეგმილ მრავალეროვნულ სამხედრო სწავლებებს.
შეხვედრას საქართველოს თავდაცვის მინისტრის პირველი მოადგილე ლელა ჩიქოვანი დაესწრო.
სინქრონი : ნიდერლანდების სამეფოს საგანგებო და სრულუფლებიანი ელჩი საქართველოში იოჰანეს დაუმა -
დღეს საქართველოს თავდაცვის მინისტრთან და მის პირველ მოადგილესთან ჩვენი ხედვებისა და შეხედულებები ძალიან კარგი გაცვლის შესაძლებლობა მოგვეცა. შეხვედრას ასევე ესწრებოდნენ ჩემი მოადგილე და ნიდერლანდების სამეფოს სამხედრო ატაშე საქართველოში. დღევანდელ შეხვედრაზე ჩვენ განვიხილეთ რა ეტაპზე ვართ და რას ვგეგმავთ ერთობლივად, რას გვინდა მივაღწიოთ. ძალიან პოზიტიური ატმოსფერო იყო.