1998 წელს, როდესაც შემოქმედი ახალგაზრდებისთვის საკუთარი თავის წარმოსაჩენად საქართველოში ბევრი საშუალება არ არსებობდა, წინანდალში სპეციალურად მათთვის შეხვედრა-სემინარი ჩატარდა. სწორედ აქ დაიბადა 18-დან 30 წლამდე ნიჭიერ შემოქმედთათვის სპეციალური პრემიის დაწესების იდეა და კონკურსის სახელიც მაშინ შეირჩა - “წინანდლის პრემია”. პროექტს თავიდანვე აქტიურად დაუჭირა მხარი პარლამენტის მაშინდელმა თავმჯდომარემ, ზურაბ ჟვანიამ, რომელიც პატრონაჟს უწევდა ახლად დაარსებულ კონკურსს. მისი გარდაცვალების შემდეგ კი “წინანდლის პრემიის” ორგანიზატორი ზურაბ ჟვანიას ფონდი გახდა. კონკურსის გამარჯვებულები ჯილდოვდებიან დიპლომით, პრიზითა და 4 000 ლარიანი პრემიით.
გვანცა გიორგაძე “წინანდლის პრემიის” 2017 წლის ლაურეატებს გაგვაცნობს.