ატვირთვა
ავტორიზაცია რეგისტრაცია

სენატში Facebook-ის, Google-ისა და Twitter-ის წარმომადგენლებს რუსული პროპაგანდის შესახებ მოუსმინეს

გაზიარება შექმენი ლუპი
ნოემბერი 1, 2017
108
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

Facebook-ის, Google-ისა და Twitter-ის ადვოკატებმა სენატის ტერორიზმისა და დანაშაულის აღკვეთის კომიტეტში ინტერნეტში რეგისტრირებული ე.წ. ტროლების შესახებ ჩვენება მისცეს. ისინი ამტკიცებენ, რომ სოციალურ ქსელებში ათი ათსობით ყალბი ანგარიშია გახსნილი.

სენატში მოსმენა თემაზე „ექსტრემისტული კონტენტი და რუსული დეზინფორმაცია სოციალურ ქსელებში“ ორი დღის განმავლობაში გაგრძელდება.

სოციალური ქსელების გიგანტი კომპანიების ადვოკატებს არაერთ კითხვაზე მოუწიათ პასუხის გაცემა. კითხვა, თუ რატომ ვერ შენიშნეს 2016 წელს ამერიკის შეერთებულ შტატებში წინასაარჩევნო პერიოდში მომრავლებული ყალბი ანგარიშები ან პროპაგანდისტული ჯგუფები, ან რატომ არ მიიღეს შესაბამისი ზომები, ადვოკატებმა უპასუხოდ დატოვეს.

ადვოკატებს სენატში 2016 წელს ამერიკის საპრეზიდენტო არჩევნებში ჩარევის საქმის გამოძიების ფარგლებში მოუსმინეს.

რესპუბლიკელმა სენატორმა, ლინდსი გრემმა განაცხადა, რომ არსებული კანონები არ მუშაობს. მისი ინიციატივაა, რუსულ პროპაგანდასთან ბრძოლის მიზნით, სოციალური ქსელებისთვის ახალი რეგულაციები შემუშავდეს.

ამერიკული მედიის ინფორმაციით, 2015-2017 წლებში Twitter-ში 36 746 ყალბი ანგარიში შეიქმნა, რომლებზეც, საერთო ჯამში, მილიონ-ნახევარი დეზინფორმაციის შემცველი მინიბლოგი გამოქვეყნდა. ამავე პერიოდში 80 000 ყალბი ინფორმაცია გავრცელდა Facebook-ში, ხოლო Youtube-ზე 2016 წელს 2000 პროპაგანდისტული ვიდეო აიტვირთა, რომლის სამიზნე სწორედ ამერიკული საზოგადოება იყო.

წყარო: CNN

მაჩვენე მეტი