ატვირთვა
ავტორიზაცია რეგისტრაცია
6 026 958
ნახვა
322
ხელმომწერი
27 783
ვიდეო

გერმანიის შს მინისტრი - „ჩვენ მასშტაბური ტერაქტი აღვკვეთეთ“

გაზიარება შექმენი ლუპი
ნოემბერი 1, 2017
54
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

გერმანიის შინაგან საქმეთა მინისტრმა ტომას დე მაიზერმა განაცხადა, რომ ქვეყნის სპეცსამსახურებისა და შინაგან საქმეთა სამინისტროს ერთობლივი სპეცოპერაციის შედეგად მასშტაბური ტერაქტის აღკვეთა მოხერხდა.

მაიზერის თქმით, ეჭვმიტანილი, რომელიც დღეს დილით დააკავეს, ერთ-ერთ ქალაქში რამდენიმე ტერაქტის მოწყობას ერთდროულად გეგმავდა, რასაც, შესაძლოა, იმაზე მეტი მსხვერპლი მოჰყოლოდა, ვიდრე აქამდე ევროპაში განხორციელებულ ტერორისტულ აქტებს.

„დიდი მადლობა სპეცსამსახურებს, რომელთაც დაუზარელი შრომის შედეგად, მოახერხეს მისი ადგილმდებარეობის დადგენა. როგორც ირკვევა, იგი ტერაქტისთვის რამდენიმე ასაფეთქებელი მოწყობილობის დამზადებას გეგმავდა, რისთვისაც აუცილებელი მასალა მას უკვე შეძენილი ჰქონდა. ამ მასალის ნახევარზე მეტი ონლაინ, ინტერნეტით შეიძინა“, - განაცხადა ტომას დე მაიზერმა.

დღეს დილით გერმანიის ქალაქ კარლსრუეში ტერაქტის დაგეგმვაში ეჭვმიტანილი 19 წლის პირი იამენ ა. კონტრტერორისტული სპეცოპერაციის შედეგად დააკავეს. იგი სირიის მოქალაქეა. ეჭვმიტანილი რადიკალური ისლამისტური ტერორისტული დაჯგუფების, თვითგამოცხადებული „ისლამური სახელმწიფოს“ იდეოლოგიური მიმდევარია.

ჯერჯერობით, უცნობია, ჰყავს თუ არა ეჭვმიტანილ პირს გერმანიაში თანამზრახველები. ასევე, უცნობია, გერმანიის რომელი ქალაქი ჰქონდა მას შერჩეული ტერაქტის სამიზნედ.

მაჩვენე მეტი