პარიზის ცენტრში სექსუალური შევიწროვების წინააღმდეგ დემონსტრაციაზე ასობით ქალი შეიკრიბა.
რესპუბლიკის მოედანზე მიმდინარე მიტინგის მონაწილეები მსოფლიოში მიმდინარე აქციას „მეც“ (me too) შეუერთდნენ. აღნიშული აქციის ფარგლებში მილიონობით ადამიანმა სექსუალური შევიწროვების შესახებ პირადი ისტორია გაასაჯაროვა.
როგორც პარიზში გამართული დემონსტრაციის ორგანიზატორები აცხადებენ, მნიშვნელოვანია, რომ სექსუალური შევიწროვების წინააღმდეგ დაწყებულმა მოძრაობამ ინტერნეტიდან რეალურ ცხოვრებაში გადაინაცვლოს.
სოციალურ მედიაში კამპანია მას შემდეგ დაიწყო, რაც ცნობილმა მსახიობებმა პროდიუსერი ჰარვი ვაინშტაინი სექსუალურ შევიწროვებაში დაადანაშაულეს.
ნიუ-იორკის პროკურატურამ აღნიშნულ ბრალდებებთან დაკავშირებით ვაინშტაინის კომპანიის წინააღმდეგ გამოძიება დაიწყო.