ქართული მარშის ლიდერები ფეხბურთის ფედერაციის პრეზიდენტს მათ წინააღმდეგ მუქარის შემცველი შინაარსის განცხადების გაკეთებაში ადანაშაულებენ.

ასავალ-დასავალის ჟურნალისტის გიორგი გიგაურის განმარტებით, ლევან კობიაშვილი სიცოცხლის მოსპობით იმ შეხვედრაზე დაემუქრა, რომელიც ასავალ-დასავალში ფეხბურთის ფედერაციის წინააღმდეგ დაბეჭდილი სტატიის შემდეგ შედგა.

ორგანიზაციის წევრები ლევან კობიაშვილისგან ბოდიშის მოხდას და თანამდებობიდან გადადგომას მოითხოვენ. ქართული მარშის ლიდერები ფეხბურთის ფედერაციას გურამ კაშიას მხარდაჭერისთვის აკრიტიკებენ. ფეხბურთელმა გურამ კაშიამ ლგბტ პირთა მხარდამჭერი სამკლაურით იასპარეზა. ბრალდებებს კობიაშვილი ჯერჯერობით არ გამოხმაურებია.