ესტონეთის მეისტრილიგის უმაღლესი ლიგა) 35-ე ტურში "ფლორამ'' საკუთარ მოედანზე ტარტუს ''ტამეკა“ 2:0 დაამარცხა და სეზონის დასრულებამდე ერთი ტურით ადრე ჩემპიონობა მოიპოვა.

გუნდის წარმატებაში დიდი როლი ზაქარია ბეგლარიშვილმა ითამაშა, 27 წლის ქართველ ნახევარმცველმა მიმდინარე სეზონში ჩატარებულ 34 მატჩში 16 გოლი გაიტანა, და ბომბარდირთა დავაში მე-5 ადგილზეა. ამავე დროს, ქართველი ესტონეთის ჩემპიონატის საუკეთესო ასისტენტია - მან 23 საგოლე გადაცემა შეასრულა.

„ტამეკასთან“ შეხვედრის დასრულების შემდეგ ბეგლარიშვილს „ფლორას“ გულშემატკივრებმა სიურპრიზი მოუწყვეს და საგანგებო პრიზი გადასცეს - 27 წლის ქართველი ტალინური კლუბის ფანებმა 2017 წლის სეზონის საუკეთესო ფეხბურთელად აღიარეს.

ბეგლარიშვილი ''ფლორაში'' 2010 წლიდან თამაშობს, ესტონეთის ჩემპიონი კი მეოთხედ გახდა. შეგახსენებთ, რომ ერთი თვის წინ ქართველმა შემტევმა ნახევარმცველმა განაცხადა, რომ ესტონეთის მოქალაქეობის მიღებას და ამ ქვეყნის ეროვნულ ნაკრებში თამაშს აპირებს.