ხანგრძლივი პაუზის შემდეგ, თბილისში ოზურგეთის თეატრის გასტროლი შედგა. 27 დან 29 ოქტომბრის ჩათვლით, მოზარდ მაყურებელთა თეატრის სცენაზე, ოზურგეთის თეატრის დასი მაყურებელს ხუთ სპექტაკლს წარუდგენს.

თბილისში ოზურგეთის თეატრის გასტროლი რამდენიმე თარიღს აერთიანებს - ნოდარ დუმბაძის დაბადებიდან 90 წლის იუბილეს და რეჟისორისა და პედაგოგის გიზო ჟორდანიას ხსოვნას.

სწორედ ოზურგეთის თეატრში დაიდგა გიზო ჟორდანიას უკანასკნელი სპექტაკლი "ბოშები“. გარდა ამისა, წელს ოზურგეთის თეატრი საიუბილეო თარიღს, დაარსებიდან 150-ე წელს აღნიშნავს.