კატალონიის რეგიონული მთავრობის მეთაურის მოვალეობას ესპანეთის ვიცე-პრემიერი სორაია სანტოს დე სანტამარია შეასრულებს. ცენტრალური ხელისუფლების განკარგულებით, მას შემდეგ, რაც 155-ე მუხლი ძალაში შევიდა, კატალონიის პარლამენტი, რეგიონალური მთავრობის მეთაური და პოლიციის უფროსი დაითხოვეს.
რამდენიმე საათით ადრე, კატალონიის პარლამენტმა ცენტრალური მადრიდისგან დამოუკიდებლობა გამოაცხადა. ინიციატივას 70-მა დეპუტატმა 10-ის წინააღმდეგ დაუჭირა მხარი. არაოფიციალურ კენჭისყრას ოპოზიციამ ბოიკოტი გამოუცხადა.
კატალონიის რეგიონული მთავრობის მიერ დამოუკიდებლობის გამოცხადებას საზეიმო განწყობით შეხვდა ბარსელონაში შეკრებილი მოქალაქეთა ნაწილი. თუმცა, მოგვიანებით, მას შემდეგ რაც პრემიერ-მინისტრმა რეგიონული მთავრობა დაითხოვა, საზეიმო განწყობა საპროტესტომ შეცვალა.