რუსეთსა და დასავლეთს შორის კონფლიქტური მდგომარეობის დაძლევას ისახავდა მიზნად მოსკოვში ვლადიმერ პუტინისა და ფრანკ-ვალტერ შტაინმაიერის შეხვედრა.
გერმანიის პრეზიდენტი რუსეთს 2010 წლის შემდეგ პირველად ესტუმრა. რუსეთის მიმართ მეგობრული დამოკიდებულების მიუხედავად, შტაინმაიერს კრიტიკული პოზიცია აქვს პუტინთან დამოკიდებულებაში.
ბერლინში ხშირად გაისმის ბრალდებებიც, რომ რუსეთი გერმანულ პოლიტიკაშიც ერევა. დასავლეთსა და რუსეთს შორის ურთიერთობები განსაკუთრებით 2014 წელს ყირიმის ანექსიისა და დონბასში პრორუსი სეპარატისტების ამბოხების შემდეგ დაიძაბა.
შტაინმაიერი მემარცხენე სოციალ-დემოკრატიული პარტიის წევრია, რომელსაც გერმანიის კანცლერის, ანგელა მერკელის ქრისტიან-დემოკრატიულ პარტიასთან შედარებით რუსეთთან უფრო მეგობრული დამოკიდებულება აქვს.