ატვირთვა
ავტორიზაცია რეგისტრაცია
6 238 183
ნახვა
323
ხელმომწერი
27 785
ვიდეო

"ლეიბორისტულმა პარტიამ" თბილისის საქალაქო სასამართლოში სარჩელი შეიტანა

გაზიარება შექმენი ლუპი
ოქტომბერი 26, 2017
73
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

"ლეიბორისტულმა პარტიამ" თბილისის საქალაქო სასამართლოში სარჩელი შეიტანა. შალვა ნათელაშვილის თქმით, მმართველმა პარტიამ ხმების უპრეცედენტო გაყალბა მოახდინა. იურისტის განმარტებით, ისნის 38-ე უბნიდან მათი პარტიის დამკვირვებელი უსაფუძვლოდ გამოაძევეს, ვინაიდან წარმომადგენელმა ხმის გაყალბების ფაქტი დააფიქსირა. უფლებადამცველი მარი ცუცქირიძე ისნის 38-ე უბანზე ხმების ხელახალ გადათვლას ითხოვს.

"ისნის მეხუთე ოლქზე არჩევნების დღეს იყო ე.წ. კარუსელი. ჩვენმა დამკვირვებელმა შეიტანა საჩივარი უბანზე, თუმცა თავმჯდომარე არ იბარებდა საჩივარს. შემდგომ ცესკო-ს განკარგულებით იძულებული გახდა, ჩაებარებინა, რის შემდეგაც თავმჯდომარე გაბრაზდა და გამოაძევა დამკვირვებელი, ის არც შემაჯამებელი ოქმის შედგენის დროს არ იმყოფებოდა უბანზე. ჩვენ ვითხოვთ ხმების ხელახლა გადათვლას და თავმჯდომარის პასუხისგებაში მიცემას",- განაცხადა ადვოკატმა მარი ცუცქირიძემ.

სასამართლოში იმყოფება "ლეიბორისტული პარტიის" დამკვირვებელი შორენა გუგავაც. ის აცხადებს, რომ უბანზე მთელი დღის განმავლობაში ხმების გაყალბება ხდებოდა.

"ვფიქრობ, რომ უკანონოდ დამატოვებინეს ტერიტორია, მთელი დღის განმავლბაში ხდებოდა ხმების გაყალაბება. ჩემთან პიროვნება მოვიდა, რომელსაც "ქართული ოცნების" წარმომადგენელი ვეგონე, და მითხრა, ჩემი ძმის პირადობაა უბანზე და გთხოვ გამომიტანეო, მისი ძმა როსტოვში იმყოფება. მე ეს გავაპროტესტე და დამატოვებინეს უბანი", -აღნიშნა გუგავამ.

პროცესზე მოპასუხე მხარე ისნის მეხუთე საარჩევნო საოლქო კომისიის თავმჯდომარე ალეკო ცხოვრებაძე იქნება. მის უფლებებს პროცესზე კახა ნარეკლიშვილი დაიცავს. მოპასუხე მხარე, სხდომის დასრულებამდე კომენტარს არ აკეთებს.

მაჩვენე მეტი