ხუთსაათიანი ხმაურიანი განხილვისა და ურთიერთდაპირისპირების შემდეგ, „დემოკრატიული მოძრაობა - თავისუფალი საქართველოს“ წარმომადგენლებმა მთაწმინდის საოლქო საარჩევნო კომისია დატოვეს..

მას შემდეგ, რაც ოლქში მთაწმინდის პოლიციის გამომძიებელი მივიდა, ბლოკის წევრებმა მე-13 უბნის შედეგების დალუქვა მოითხოვეს. კომისიის თავმჯდომარემ თანხმობა განაცხადა, რის შემდეგაც ბიულეტენები დაილუქა.

„დემოკრატიული მოძრაობა - თავისუფალი საქართველო“ ორი დღის ვადაში სასამართლოს მიმართავს. საარჩევნო ბლოკი მე-13 უბნის შედეგების ხელმეორედ გადათვლას მოითხოვს.

შეგხახსენებთ, „დემოკრატიული მოძრაობა - თავისუფალი საქართველოს“ ლიდერები მთაწმინდის მე-13 უბნის შედეგების გადათვლას ითხოვდნენ. ბლოკის წევრების მოთხოვნას მთაწმინდის საოლქო საარჩევნო კომისიაში ხმაური მოჰყვა.