2019 წლის რაგბის მსოფლიო ჩემპიონატის ტრანსლაციას პირველი არხი უზრუნველყოფს. ჩვენების უფლებასთან დაკავშირებული ლიცენზიის შეძენას არხის ბორდმა მხარი დღეს დაუჭირა, რის შემდეგაც ხელშეკრულება გაფორმდება კომპანია RUGBY WORLD CUP LIMITED-თან. მოლაპარაკებები რამდენიმე თვის განმავლობაში მიმდინარეობდა.

აღსანიშნავია, რომ ჩემპიონატის მონაწილე საქართველოს ნაკრები იქნება, რაც კიდევ უფრო ზრდის საზოგადოების მხრიდან ამ სპორტული მოვლენისადმი ინტერესს.

ბორდმა გადაწყვეტილება ერთხმად მიიღო. რაგბის მსოფლიო ჩემპიონატი იაპონიაში გაიმართება.