არჩევნების მეორე ტურთან დაკავშირებით ,,ნაციონალური მოძრაობის” მიერ მიღებული გადაწყვეტილება გუნდშივე პროტესტის მიზეზი ხდება. პარტიის ლიდერების ნაწილი საჯაროდ ამბობს, რომ ბოიკოტის იდეას არ ეთანხმება. პოლიტსაბჭოს გუშინდელ გადაწყვეტილებას არ იზიარებს მარტვილის მერობის კანდიდატიც, რომელიც მეორე ტურში ,,ქართული ოცნების” კანდიდატს უნდა დაპირისპირებოდა. მისი რეაქცია იმდენად მწვავეა, რომ ბოიკოტის საკითხი შესაძლოა გადაიხედოს. ყოფილი მმართველი პარტიის შეთავაზება არც სხვა პოლიტიკური ძალებისთვისაა მისაღები. ,,ნაციონალური მოძრაობის” მოწოდების მიუხედავად, ოპოზიციური სუბიექტების ნაწილი მეორე ტურში მონაწილეობას მაინც აპირებს.