ისრაელში ქართული საპარლამენტო დელეგაციის ოფიციალური ვიზიტი დაიწყო. პირველი შეხვედრა თელავივში გაიმართა, რის შემდეგაც პარლამენტის თავმჯდომარემ და დეპუტატებმა იერუსალიმში გადაინაცვლეს. სწორედ იერუსალიმშია დაგეგმილი შეხვედრების დიდი ნაწილი. დელეგაცია შეხვდება ისრაელის პრეზიდენტს და ქნესეთის თავმჯდომარეს. დღის წესრიგში თავდაცვის, უსაფრთხოების და პარლამენტის საქმიანობის გამჭვირვალობის საკითხების განხილვა იქნება. დელეგაციაში უმრავლესობის და უმცირესობის ლიდერებიც არიან.