ატვირთვა
ავტორიზაცია რეგისტრაცია
5 107 958
ნახვა
345
ხელმომწერი
23 824
ვიდეო

ილია მეორე ლეჩხუმში უმაღლესი სასულიერო სკოლისა და სასტუმროს მშენებლობის სურვილს გამოთქვამს

გაზიარება
ოქტომბერი 23, 2017
72
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

სრულიად საქართველოს კათოლიკოს-პატრიარქის, ილია მეორის განცხადებით, მას ბევრი უფიქრია ლეჩხუმში უმაღლესი სასულიერო სკოლისა და სასტუმროს აშენებაზე, რათა უცხოეთიდან ჩამომსვლელ მომლოცველებსა და მეცნიერებს წმინდა მაქსიმე აღმსარებლის ნაწილების ნახვა შეძლებოდათ. ამის შესახებ საქართველოს კათოლიკოს-პატრიარქმა სამების ტაძრის ახალგაზრდულ ცენტრში წმინდა მაქსიმე აღმსარებლისადმი მიძღვნილ მეექვსე საერთაშორისო საღვთისმეტყველო კონფერენციის გახსნაზე ისაუბრა.

პატრიარქის თქმით, იშვიათია სასულიერო მოღვაწე, ვისაც ისეთი კვალი დაეტოვებინოს ქრისტიანულ სამყაროში, როგორიც მაქსიმე აღმსარებელმა დატოვა.

ღირსი მამა მაქსიმე კონსტანტინოპოლში დაიბადა და სასულიერო მოღვაწეობას ბიზანტიასა და აფრიკის ქვეყნებში ეწეოდა. ბიზანტიის იმპერატორმა კონსტანტინე მეორემ კი, რომელიც ქრისტიანების დევნით იყო ცნობილი, ის სასტიკად აწამა და თავის ორ მოწაფესთან ერთად დასავლეთ საქართველოში გადაასახლა. წმინდანი ქალაქ ცაგერშია დასაფლავებული.

კონფერენციის მიზანი, რომელიც დღეს გაიხსნა და რომელსაც მეცნიერები სხვადასხვა ქვეყნებიდან სტუმრობენ, წმინდანის ცხოვრებისა და მოღვაწეობის წარმოჩენაა.

მაჩვენე მეტი