პერსონალურ მონაცემთა დაცვის ინსპექტორი კენჭისყრის დღეს დამკვირვებლების მიერ ამორჩეველთა სიიდან სარეგისტრაციო ნომრების ამოწერის ფაქტს გამოეხმაურა.
თამარ ქალდანის თქმით, ჯერ შეუძლებელია ითქვას, დაირღვა თუ არა ამომრჩეველთა პერსონალური მონაცემების კონფიდენციალობა.
მისივე განმარტებით, მნიშვნელოვანია, დამკვირვებლებმა სამსახურს მიაწოდონ კონკრეტული ფაქტები და ამის შემდეგ გაირკვეს, თუ რა მიზნით იღებდნენ სიიდან რეგისტრაციის ნომრებს.
„დამკვირვებლებს უფლება აქვთ, მონიტორინგი გაუწიონ საარჩევნო პროცესს, რათა მათ რაიმე დარღვევა თავიდან აირიდონ, თუმცა იმ შემთხვევაში, თუ დადგინდა, რომ ისინი სარეგისტრაციო ნომრებს იდენტფიცირებისა და ამომრჩეველზე ზეწოლოს მიზნით იყენებდნენ, ეს კანონდარღვევად ჩაითვლება“, - აცხადებს ქალდანი.
თამარ ქალდანს რეკომენდაციები აქვს და ამბობს, რომ საარჩევნო კოდექსში მკაფიოდ უნდა გაიწეროს კენჭისყრის პროცესში მონაწილე პირთა უფლება-მოვალეობები.
ის ასევე მიმართავს პოლიტურ პარტიებს და მზაობას აცხადებს, მომავალი არჩევნებისთვის მათ კონკრტულად განემარტოთ, რას ნიშნავს პერსონალური მონაცემები.