დამოუკიდებელი ინსპექტორის შესარჩევად დღეს იუსტიციის უმაღლესმა საბჭომ კონკურსი გამოაცხადა, - ეს განცხადება იუსტიციის უმაღლესი საბჭოს მდივანმა გიორგი მიქაუტაძემ სხდომის დასრულების შემდეგ გააკეთა.
როგორც გიგა მიქაუტაძემ აღნიშნა, დამოუკიდებელ ინსპექტორს იუსტიციის საბჭოს სრული შემადგენლობის ნახევარი 5 წლის ვადით ირჩევს.
"კანდიდატს უმაღლესი იურიდიული განათლება უნდა ჰქონდეს, ასევე სპეციალობით მუშაობის 5 წლის გამოცდილება და კარგი ავტორიტეტით უნდა სარგებლობდეს. დამოუკიდებელი ინსპექტორი, რეფორმის მესამე ტალღის ფარგლებში საერთო სასამართლოების შესახებ განხორციელებული ცვლილებაა. ეს ინსტიტუტი დისციპლინური გადაცდომის საკითხების შესწავლისთვის შეიქმნა. წინაზეც ჰქონდა საბჭოს დამოუკიდებელი ინსპექტორის შესარჩევად კონკურსი გამოცხადებული, თუმცა მაშინ კანდიდატურა ვერ შეირჩა და კონკურსი ჩაიშალა", - განაცხადა მიქაუტაძემ.
დამოუკიდებელი ინსპექტორის შესარჩევად დღეს გამოცხადებული კონკურსი 6 ნოემბრამდე გაგრძელდება.