„ევროპული საქართველოს“ თბილისის მერობის კანდიდატმა ელენე ხოშტარიამ ხმა ვაკის N12 საარჩევნო უბანზე 08:30 საათზე მისცა. ხოშტარიას განცხადებით, ის გულანთებულია მანდატის მისაღებად.

„პირველ რიგში, ხმა მივეცი იმ რწმენის დაბრუნებას, რომ ჩვენი ქალაქი ჩვენვე შეგვიძლია გავხადოთ მოხერხებული, სამართლიანი, ადამიანებზე ორიენტირებული და იმ ხედვას, რომელიც მგონია, რომ ამას სწორად მოიტანს და ძალიან გულანთებული ვარ იმისთვის, რომ ეს მანდატი მივიღო და შევუდგე საქმის კეთებას“, - განუცხადა ხოშტარიამ ჟურნალისტებს.

ელენე ხოშტარია თავს იკავებს პროგნოზისგან, როგორი იქნება ამომრჩევლის აქტივობა.

ვაკის საოლქო კომისიის ინფორმაციით, ამ დროისთვის, ყველა უბანი მნიშვნელოვანი ხარვეზების გარეშე მუშაობს.