არჩევნები წარმოუდგენელი დარღვევებით მიმდინარეობს, - ასე აფასებს არჩევნების მიმდინარეობას „ნაციონალური მოძრაობის“ წევრი ლევან ბეჟაშვილი. მისი განცხადებით, „ქართული ოცნების“ წარმომადგენლები უბნებზე იმყოფებიან, თავზე ადგანან საარჩევნო კომისიის წევრებს და იწერენ ამომრჩევლების პირად ნომრებს. ბეჟაშვილის თქმით, „ქართული ოცნების“ წარმომადგენლების მიზანია, მოახდინონ ზეწოლა ადმინისტრაციულ რესურსზე.

„ირღვევა ხმის ფარულობის პრინციპი. მოვუწოდებთ თამარ ჟვანიას გამოვიდეს და ღიად დააფიქსიროს პოზიცია. მოვუწოდებთ ამომრჩეველს, უხეში ზეწოლის მიუხედავად, სათანადო პასუხი გასცეს. ასევე, ჩვენ გვაქვს კონკრეტული ვიდეომასალაც. საიამ-მოუწოდა ცესკო-ს რეაგირებისკენ. დაიწერა საჩივრები რამდენიმე დარღვევაზე. დუშეთის მე-13 უბანზე ჯერ კიდევ არ მიუტანიათ ბიულეტინები. ბოლნისში, მე-20 უბანზე „ნაციონალური მოძრაობის“ საუბნო საარჩევნო კომისიის წევრზე თავდასხმა მოხდა. კიდევ ერთი თავდასხმა ჩვენს კანდიდატზე კი, ახალციხეში მოხდა“, - განაცხადა ბეჟაშვილმა.