იმედი გვაქვს, რომ არჩევნებში ბევრი ადამიანი, მოქალაქე მიიღებს მონაწილეობას და არ დაუკარგავს საქართველოს თავის ხმას, - ამის შესახებ საქართველოში ბრიტანეთის ელჩმა, ჯასტინ მაქენზიმ განაცხადა, რომელმაც კრწანისის მე-18 საარჩევნო უბნის მონიტორინგის შემდეგ კომენტარი აშშ-ის და ნიდერლანდების სახელითაც გააკეთა.
"ძალიან მოხარული ვართ აქ ყოფნით,მნიშვნელოვანი დღეა ყველასთვის. ჩვენი სამი ქვეყანა თანადგომას უცხადებს არჩევნების დემოკრატიულ პროცესს საქართველოში. იმედი გვაქვს, რომ ბევრი ადამიანი, მოქალაქე მიიღებს არჩევნებში მონაწილეობას და არ დაუკარგავს საქართველოს თავის ხმას.
ელჩებმა 127-ე საჯარო სკოლაში არსებულ უბანზე კომისიის თავმჯდომარისგან არჩევნების მიმდინარეობის შესახებ ინფორმაცია მიიღო და აღნიშნა, რომ მნიშვნელოვანია პროცესში ყველა მოქალაქის ჩართულობა.